Dhana potofu kuhusu mazoezi ya nguvu kwa wanawake "strength training"

 Mazoezi haya yana faida nyingi hasa kwa wanawake ikiwemo kusaidia katika kupunguza uzito,kupunguza hatari ya magonjwa sugu kama vile kisukari na saratani pia kuimarisha mifupa na misuli na kumuweka mtu katika umbo la kuvutia lakini wengi hawayafanyi mazoezi haya kwani wana dhana potofu ambazo zinawazuia kufanya mazoezi haya baadhi ni hizi hapa ya kwanza nadhani hata wewe unayeisoma umekumbana nayo na huenda umeishikilia akilini mwako endelea kusoma ujue ukweli zaidi

1. Mazoezi ya nguvu yatawafanya wanawake kuwa na misuli mikubwa sana.
• Nimeanza na hii kwani ni moja kati ya dhana kubwa potofu kwamba mazoezi haya yatawafanya wanawake kuwa na miili mikubwa sana ukweli ni huu hapa na uuelewe leo hii kwamba Wanawake wana kiwango kidogo sana cha homoni ya testosterone kuliko wanaume, ambayo ni homoni inayohusika na ukuaji mkubwa wa misuli kwahiyo japo utajenga misuli  ukweli ni kwamba hutaweza kuwa na misuli mikubwa kama wanaume 
2. Wanawake wanapaswa kufanya mazoezi ya cardio kama vile kukimbia na kuruka kamba pekee ili kupunguza uzito.
• Ukweli ni kwamba Ingawa mazoezi ya cardio ni muhimu kwa afya ya moyo na mishipa mazoezi ya nguvu ni muhimu kwa kujenga misuli na misuli ni muhimu sana kwa sababu misuli huchoma kalori zaidi wakati wa kupumzika hivyo kwa kuwa na misuli imara utaongeza uwezo wako wa kuchoma kalori zaidi siku nzima, hata usipokuwa unafanya mazoezi. na pia misuli imara pia huimarisha usikivu wa insulin "insulin sensitivity" na hivyo homoni hii itafanya kazi kwa ufanisi mwilini mwako Mazoezi ya nguvu pia husaidia kuuweka mwili katika umbo zuri zaidi kuliko mazoezi ya cardio peke yake.
3. Mazoezi ya nguvu ni hatari kwa wanawake na yatasababisha majeraha.
• Dhana hii nayo ipo kwa wingi ila sio kweli kwani mazoezi haya yanapofanyika kwa usahihi salama na yana faida kwa wanawake wa rika zote narudia tena ni wanawake wa rika zote.na yanaweza kusaidia kuzuia majeraha kwa kuimarisha misuli na kusaidia viungo. kumbuka wanawake uimara wao wa mifupa huathiriwa sana na mabadiliko ya homini yanayotokea mwilini hivyo mazoezi haya yatasaidia kuimarisha misuli na mifupa
4. Mazoezi ya nguvu ni kwa wanawake wa umri mdogo peke yao 
• Kama ulivyoona hapo mwazo mazoezi ya nguvu yana faida kwa wanawake wa rika zote kwani yanasaidia kudumisha misuli, uimara wa mifupa, na uhuru wa kufanya kazi, ambayo yote ni muhimu kwa uzee wenye afya. na ukweli ni kwamba wanawake wanapozeeka, mazoezi ya nguvu yanakuwa ya  muhimu zaidi kwao nasisitiza "wanawake wanapozeeka, mazoezi ya nguvu yanakuwa ya  muhimu zaidi kwao"

Mazoezi haya yana faida nyingi sana kwa afya ya mwanamke na yeyote yule hivyo achana na dhana hizi potofu na angalia namna uanze kufanya mazoezi haya pamoja na mazoezi mengine ili kuimarisha afya yako

kuelewa faida za mazoezi haya bonyeza hapa chini